aywamazika
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


friendship dating mobile computer programmes furniture songs movies
 
الرئيسيةالبوابةأحدث الصورالتسجيلدخول

 

 ازاى تعرف انك اتربيت فى بيت مصرى(ادخل وانت تعرف)

اذهب الى الأسفل 
كاتب الموضوعرسالة
ساسو
زوووماوى جديد
زوووماوى جديد
ساسو


عدد المساهمات : 29
تاريخ التسجيل : 31/03/2009
العمر : 33

ازاى تعرف انك اتربيت فى بيت مصرى(ادخل وانت تعرف) Empty
مُساهمةموضوع: ازاى تعرف انك اتربيت فى بيت مصرى(ادخل وانت تعرف)   ازاى تعرف انك اتربيت فى بيت مصرى(ادخل وانت تعرف) Emptyالأحد أبريل 05, 2009 3:19 pm

مش عايزه اسمع صوت . وفي هذه الجمله تدريبا مبكرا على تقبل الديكتاتوريه التي ستواجها طوال حياتك

• تقعد في اول صف قدام السبوره .وهي الجمله تعودك على ان تكون في المقدمه دوما.

• لو مش فاهم حاجه ..ارفع ايدك وقول للاستاذ مش فاهم _ما تتكسفش..فاكرين المدرسين زي اللي كانوا على
ايامهم زمان

• اللي بيشيل قربه مخرومه بتخر عليه لوحده.

• ومالهم كتب الوزاره؟؟؟؟؟

• بص كويس وانت بتعدي الشارع

• ضرب امثله تشجع على الكفاح واشهرها "احد الاقارب اللي كان بيذاكر على لمبه جاز او على نور العامود
في الشارع نجح وخد الدكتوراه وسافر امريكا"


• متتأخرش بعد المدرسه وتقعد تلعب مع اصحابك

• افرد ضهرك

• مافيش مذاكره على المزيكا ..او..بتذاكر ازاي والبتاع ده شغال جنبك

• ماتمشيش حافي في السقعه ديه

• صليت العصر؟!

• اطفي التليفزيون وقوم ذاكر ,او اطفي التليفزيون وقوم خش اوضتك

• اوعى تقول لحد هات لي حاجه

• بلاش وقفه الشبابيك والبلكونات

• كل على مهلك .. وابلع كويس ..وما تاكلش وانت واقف وكل من قدامك ما تحفش

• كفايه رغي في التليفونات

• ماتقعدش قدام المروحه وانت مستحمي

• المسلسل مش هينفعك ..قوم

• وانت فاكر احنا مستنين منك حاجه؟!

• ما تعليش صوتك

• بلاش لعب في الشارع

• يا ابني اللي ذاكر ذاكر خلاص ..قوم نام

• بلاش لعب بالمقص ..بيجيب الفقر

• يابني كلم خالتك العيانه اسأل عليها

• اوعى حد غريب يديلك حاجه تاكلها ولا تشربها وتاخدها منه

• النوم لحد الضهر بيجيب الفقر

• اوعى تكدب عليا تاني مره

• لازم تأكل سلطه

• لو شفت خناقه مالكش دعوه بيها

• عيب..لازم تحترم اللي اكبر منك

• كلمنا لما توصل

• بلاش اكل بره

• مالكش دعوه بالسياسه

• لو فلحت ابقى تعالى

• ماتلبسش القميص على اللحم زي العيال

• ياابني انت مسطول ولا ايه

• انت فاكرنا نايمين على ودنا ولا ايه؟!

• وطي المدعوق ده شويه

• قوم اقرأ لك كلمتين ينفعوك

• ايه اللا مبالاه والاستهتار اللي انت عايش فيهم دول

• انت فاكرنا لاقين الفلوس دي في الشارع

• والله ما انت فالح ..وأدي دقني اهه.

• ماتتكلمش بصوت عالي في الحمام

• ماتنامش غير لما تغسل اسنانك

• ما تلزقش في التليفزيون كده..نظرك هيضيع

• سلم على عمك كويس يا ولد

• يا بني ماحدش بينفع حد في الزمن ده

• ما تطلعش ايدك من شباك العربيه

• قصه الغريق الكاذب اللي كل مره يقول الحقوني ..لحد ما غرق بجد

• ربنا يرزقك بعيل يوريك اللي ورتهوني

• التهديدات المخيفه شكلا والكارتونيه مضمونا .. مثل هأقطع ايدك او هأقطع لك لسانك .. اوهدبحك دبح

• طلع ايدك من جيبك وانت بتكلمني ....

• حول القناه ديه بلاش مسخره وقله ادب

• ما تطلعش على الملايه النضيفه ورجليك متوسخه كده

• نسيت تأكل ؟نسيت تشرب؟نسيت تقول هاتوا المصروف؟نسيت تعكنن عليا؟

• يالا يا ابو حكحكه حمرا..انت فاكر نفسك هتقعد تأكل معانا ؟

• عايزه ابص الاقيك قدامي دلوقتي فورا

• ما تتشقاش في الفسحه وكل سندوتشاتك كلها

• آ دي اللي انت فالح فيه

على ما اظن اننا سمعنا الكلام ده كتيييييييييييير اوى

بس هل احنا هنقول نفس الكلام

مش عارف بس شكلها كدة برضو


هههههههههههههههه
الرجوع الى أعلى الصفحة اذهب الى الأسفل
 
ازاى تعرف انك اتربيت فى بيت مصرى(ادخل وانت تعرف)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
aywamazika :: اضحك من قلبك :: قسم النكت والضحك-
انتقل الى: